تعالوا نلعب كرسي الاعتراف

ازيكم يا كل اعضاء المنتدى الصراحة ان شوفت اللعبه دي في جروب على الفيس بوك وعجبتني اووووووووووي هي زي لعبة صراحة بالظبط واللعبة عبارة عن ان في عضو هيدخل يسأل سؤال واللي بعده يجاوب ويحط سؤال علشان اللي بعده يرد عليه يلا شدوا حيلكم ووروني همتكم

حلوة الفكرة يا د/منة
i am with u

ما شاء الله 9 مشاهدات ورد واحد شكلكم خايفين ولا اية يا جماعة؟ عموما شكرا يا doda

انا موافقة يا د/منة والفكرة تحفة خالص وادينى ببين لك اننا مش خايفين ولا حاجة

ماشي يا dodyارفعي من معنوياتي وشكرا لردك وعقبال الباقي اما يتشجعوا كدة علشان اللي هيوافق هو اللي هيلعب رخامة بقى ويلا بقى عايزين ناس كتير علشان نبدأأأأأأأأ

شكل الناس فعلا خايفة خلاص اللي مش هيكتب كومنت لحد اخر الاسبوع مش هيلعب معانا بقى رخامة برخامة

فكرة حلوة وانا معاكى يادكتورة

موافق يا منة

احمدك يارب 2 كمان دة اللعبة هتحلو شكرا ياطارق وشكرا يا نوبل عايزين نبدأ من اول الاسبوع الجاي بدايتنا يوم السبت ان شاء الله بس عايزة كل الاعضاء معانا

انا معاكى وموافقه جدا يا منه

ماشي يا ايمي عقبال الباقي

ايه يا منة فينك ماطبقتيش موضوعك ليه وعشان انا بحب الرخامة اللى ماقلش رأيه مايلعبش اللعبه الحلوة دى ونطلعلوا لسانا

انا مستنية شوية نديهم فرصة برضو يمكن يشاورا دماغهمك ويجوا عموما اخرنا يوم الخميس ويوم الجمعة اختااااااااااااار الضحية

يا جماعة احنا كدة قربنا بكرة هختار العضو بس من الناس اللي اشتركت معانا رخامة بقى علشان الناس اللي مش اشتركت كله يستعد للمعركةةةةةةةة

الرخامه احسن حاااااااااااجه فى الدنيا بس ياريت الاسئلة ما تبقاش رخمة

يلا اجهزوا يا جماعة انا هختار العضو دلوقتي

يلا يا يا يا يا dody_donaانا اخترتك يا جميل وانا اللي هبتدي اسئلك شوية اسئلة خفيفة خاااااااالص
اول ما تدخلي المنتدى لو سمحت اجلسي على كرسي الاعتراف وانا هبتدي اسأل واي حد من الاعضاء عايز يسألها برضو يتفضل........... ابدأ انا
كلمينا عن نفسك ( اسمك _ بتدرسي فين_كام سنة_ صفاتك اللي الناس شيفاها كويسة فيكي_ عيوبك_..........)؟
اكيد قريتي قرأن في الجزء الكام؟
مواظبة على صلاة التروايح؟
يا ورد مين علمك تجرح .. لمن توجيه هذة الجملة؟
اعتذار الرجل للمرأة ذل ام احترام للذات؟
رتب هذة الكلمات على حسب اهميتها عندك ( المال_الحب_الصديق_المستقبل المهني_العائلة)
كم وزنك؟
كم طولك؟
ماذا تقول لمن ظلمك؟
شخص تفتقده من هو؟
3 مواقف محرجة حصلتلك؟
مين الاعضاء اللي في النتدى هنا اللي تعرفيهم معرفة شخصية؟
ما هو اكثر شئ يحرجك؟
كلمة تتمني تسمعيها كل يوم؟
امتى اخر مرة كدبتي فيها وقولتي اية وعلى مين؟
لو الزمن عاد اللي الخلف ما الشئ الذي ستفعليه مرة اخرى والشئ الذي لن تفعليه مرة اخرى؟
ليكي انتيم ولا لا ولو ليكي هل بتثقي فيها كل الثقة وبتحيلها على كل حاجة؟
اية طموحك في الدنيا؟
وكفاية عليكي كدة يا قمر بس اوعي تزعلي

انا قعدت على فكرة على كرسى الاعتراف ومستعده لاى سوأل وميرسى على زوقك
[list=1]
[*]اسمى دينا -بدرس فى كلية الصيدلة جامعة القاهرة-19سنة- انا مقدرش اقول الصفات الكويسة اللى الناس شايفاها كويسة فيا ممكن اصحابى فى المنتدى بعد اذنك يردوا على السؤال ده اما بالنسبه لاهلى فأكيد شايفنى كويسة لان القرد فى عين اهله غزال اما بقى بالنسبه لعيوبى والصفة اللى نفسى ماتبقاش فيا انى ممكن اثق فى ناس واعتبرهم اخوات او اصحاب ويطلعوا ما يستاهلوش
[*]انا للاسف بكل اسف فى الجزء الرابع بس باذن الله هختم القرأن ولو على الاقل مرة رمضان ده ادعيلى يا منة يا حبيبتى
[*]الحمد لله مواظبة عليها فى البيت
[*]لاى حد زعلنى وانا بحبه اوى من اصحابى واكيد لسه بحبه
[*]لو غلط فيها احترام اما لو مالوش شخصية وبيعتذر عمال على بطال ده ذل
[*]العائلة-الصديق-المستقبل المهنى-الحب-المال
[*]اما وزنى فليه الاحراج بلاش احسن بس عموما كويس بالنسبه لى
[*]اما طولى من غير ارقام انا متوسطة الطول
[*]الله يسامحك وكفايه انى نسيتك وكرهتك اول ما ظلمتنى
[*]صديقتى من ابتدائى بس هى سافرت تركيا مع اهلها وبتكلمنى كل فين وفين وانا اللى دايما بسأل عليها وبينى وبينك زعلانه منها اوى
[*]انا فى حياتى مواقف محرجه كتييييييييير بس عشان ماتزعليش هقولك اخر موقف حصلى انى كنت مروحة فقابلت مستر الفيزياء بتاعى فى الفصل وكان معاه مستر الفرنساوى بتاع الدرس مستر الفيزياء كان بيحبنى زى بينته بس انا كنت دايما بعمل فيه مقالب وكان دايما يشتكينى لمستر الفرنساوى بتاعى بتاع الدرس فكان بقى عاملنى البنت الشريره مستر الفرنساوى نده عليا فى الشارع لا وايه مش بأسمى يا بت يا دودى طبعا العبد لله اللى هو انا اتجنن وماردش يعنى عملت فيها عبيطة وفجأ ه ولانه صاحب بابا ولان ربنا بيحبه وكاتب عليا اتكسف من نفسى قابلت بابا سمعه بينده رجعله والعبد لله طبعا معاه والمستر قاللى قدامه انا مش بنده عليكى يا بت انتى كان نفسى اقوله ليا اسم وازعله بس بابا واقف وطبعا بابا فهم اللى فيها وانى ماكنتش عاوزه ارد وكان شكلى وحش اوى قدامهم وقدام بابا بالذات اللى كل ما يطلب دلوقتى منى طلب واكون فعلا مش سامعه يقولى ايه يا دينا مطنشانى زى المستر ولا ايه
[*]دودا وايمى اصحابى وبحبهم اوى وانتى طبعا يا منة بقيتى خلاص صحبتى وباقى الاعضاء طبعا بقوا زمايلى خلاص
[*]ان اشوف حد مش عايزه اشوفه لا وايه يسلم عليا
[*]كلمةخلاص سامحتك لانى بزعل ناس منى كتيير بس والله بهزار
[*]كدبت على تيته لما طلبت منى اعتذر للبواب لانى زعلته جامد اوى وقلت لها انى اعتذرت له وانا زعلته تانى لما شفته تانى بس هى اكيد عرفت لانه زى العاده اكيد اشتكى لها بس انا روحت بتنا ومن يومها كل ما تيته تقولى تعالى اقولها مشغولة واروح الزيارات طبعا مع بابا وماما ليها بس ببقى مكسوفة من نفسى اوى انى كدبت
[*]الشىء اللى هعمله مش هدخل الكلية المقرفة دى واللى مش هعمله انى مش هزعل ناس كتيره بعدوا عنى وانا محتاجه لهم دلوقتى
[*]ليا طبعا بس فى حاجات طبعا فى حياتى انا ممكن المح لها بس ماينفعش احكيلها كل حاجه ده من حقى ومن حقها
[*]انى ابقى صيدليه ناجحة واكسب دنيتى واخرتى واحقق كل اللى انا عايزاه يحصل ليا ولغيرى
[*]وطبعا مش زعلانة منك يا حبيبتى مع انك قلبتى عليا المواجع وفكرتينى باالذى مضى بس كله يهون عشان خاطرك
[/list]

والله انتي عسل يا دودي واجباتك كلها جميلة وبتبين اد اية انتي شخصية جميلة وبتحبي الهزار والناس بس يلا بقى باقي الاعضاء يكملوا وانا برضو هكمل تاني ما انتي الضحية بقى يا دودي

انا مستعده ودايما فى انتظار اسئلتكوا وشكرا على زوقك اكيد انتى اجمل

اية يا جماعة فين باقي الاسئلة ولا الموضوع مش عاجبكم ولا اية بجد لو مش عاجبكم قولولي؟؟؟؟؟؟؟؟؟؟

انا عاجبنى بجد و عايز اشترك ممكن يا منه

طبعا يا ندى دة من غير كلام احنا نطول ان ندى تيجي تلعب معانا اتفضلي طبعا

ربنا يخليكى يا منه

خلاص يا جماعة احنا نغير الفكرة ونخليها ان اي حد يدخل يسأل سؤال واللي بعده يجاوب ويسأل سؤال وهكذا بدل ما نخلي حكاية عضو اسبوع دي اووووووووووووكي اي عضو يدخل بعدي يسأل سؤال واللي يدخل بعد كدة يجاوب ويسأل تماااااااااااام كدة يلا بقى