أرجو الاهتمااااااااام.....

السلام عليكم ورحمة الله وبركاته

انا بس كنت عايز اقترح عليكم اقتراح وتقولولي رأيكم؟.....

بمناسبة اننا داخلين على شهر كريم هو شهر رمضان وبكرة اول يوم كل سنة وانتم طيبين واكيد كلنا نفسنا في ال30 يوم اللي هيعدوا علينا من هذا الشهر الكريم (شهر العبادات والروحانيات) ان ربنا يجعلنا من عتقاؤه من النار
أكيد كلنا نفسنا نختم القرأن السنة دي مش بس مرة واحدة لكن اكتر من مرة كمان ماتنسوش ان 20 يوم من شهر رمضان في الاجازة يعني مالناش حجة ,يعني هنختم القران ان شاء الله اكتر من مرة وياريت نصلي كل الفروض في المسجد جماعة(على قدر المستطاع)ونقضي نهار رمضان في العبادات و نخطط ازاي في الشهر دة نفوز بالاجر العظيم ونملأ نفوسنا بالروحانيات اللي مفتقدينها طول السنة .
وياريت ناخد بالنا كويس اوي ان احنا مش مستنين شهر رمضان علشان نتابع المسلسلات الجامدة والجديدة دة انا حسيت من كمية المسلسلات الجديدة اللي هتتعرض في رمضان انه مش شهر عبادة دة شهر الفرجة والقعدة قدام التليفزيون ليل نهار.

وكمان كل المسلسلات هتتعاد تاني طول السنة يبقى ليه نضيع فرصة هذا الشهر العظيم (والفرصة من ذهب)

ياريت احنا نتحدى كل دة وكل واحد يحط لنفسه خطة يمشي عليها في هذا الشهر الكريم وازاي يستفيد من كل دقيقة في عبادة ربنا علشان ربنا يرضى عننا ويوفقنا ونبقى ان شاء الله ممن يختاروا من العتقاء من النار في شهر رمضان..


ومن هنا انا حبيت اقترح اننا نوقف المساهمات والمشاركات في كل مواضيع المنتدى الا المنتدى الاسلامي علشان نقدر نقتنص الوقت في العبادة والروحانيات وماننساش ان زي ما التليفزيون هيعرض كمية مسلسلات لا حصر لها برده هيعرض لنا برامج دينية لدعاة بنبقى منتظرين شهر رمضان علشان نشوفهم ونسمعهم وربنا يهدينا جميعا .

ياريت يكون بيننا تنافس في هذا الشهر الكريم على العبادات والطاعات ونقلل الmails وال chat والقعدة قدام الكمبيوتر من غير فائدة وماننساش ان في شهر رمضان بنملأ رصيدنا من الحسنات اللي بنستهلك منه طول السنة...

ياريت اعرف رأيكم في الاقتراح ده...
وجزانا الله واياكم كل خير...

اه صحيح نسيت اقولكم..ماتنسوش النهاردة صلاة التراويح
وكل سنة وانتم طيبين

شكرا يا د/بيدو علي النصائح التي لا تقدر بثمن جعله الله في ميزان حسناتك